ஆத்திசூடி

No	வருக்கம்	Aathichoodi
1	உயிர் வருக்கம்	1 அறம் செய விரும்பு.
2	உயிர் வருக்கம்	2 ஆறுவது சினம்.
3	உயிர் வருக்கம்	3 இயல்வது கரவேல்.
4	உயிர் வருக்கம்	4 ஈவது விலக்கேல்.
5	உயிர் வருக்கம்	5 உடையது விளம்பேல்.
6	உயிர் வருக்கம்	6 ஊக்கமது கைவிடேல்.
7	உயிர் வருக்கம்	7 எண் எழுத்து இகழேல்.
8	உயிர் வருக்கம்	8 ஏற்பது இகழ்ச்சி.
9	உயிர் வருக்கம்	9 ஐயம் இட்டு உண்.
10	உயிர் வருக்கம்	10 ஒப்புரவு ஒழுகு.
11	உயிர் வருக்கம்	11 ஓதுவது ஒழியேல்.
12	உயிர் வருக்கம்	12 ஔவியம் பேசேல்.
13	உயிர் வருக்கம்	13 அஃகஞ் சுருக்கேல்.
14	உயிர்மெய் வருக்கம்	14 கண்டொன்று சொல்லேல்.
15	உயிர்மெய் வருக்கம்	15 ஙப் போல் வளை.
16	உயிர்மெய் வருக்கம்	16 சனி நீராடு.
17	உயிர்மெய் வருக்கம்	17 ஞயம்பட உரை.
18	உயிர்மெய் வருக்கம்	18 இடம்பட வீடு எடேல்.
19	உயிர்மெய் வருக்கம்	19 இணக்கம் அறிந்து இணங்கு.
20	உயிர்மெய் வருக்கம்	20 தந்தை தாய்ப் பேண்.
21	உயிர்மெய் வருக்கம்	21 நன்றி மறவேல்.
22	உயிர்மெய் வருக்கம்	22 பருவத்தே பயிர் செய்.
23	உயிர்மெய் வருக்கம்	23 மண் பறித்து உண்ணேல்.
24	உயிர்மெய் வருக்கம்	24 இயல்பு அலாதன செய்யேல்.
25	உயிர்மெய் வருக்கம்	25 அரவம் ஆட்டேல்.
26	உயிர்மெய் வருக்கம்	26 இலவம் பஞ்சில் துயில்.
27	உயிர்மெய் வருக்கம்	27 வஞ்சகம் பேசேல்.
28	உயிர்மெய் வருக்கம்	28 அழகு அலாதன செய்யேல்.
29	உயிர்மெய் வருக்கம்	29 இளமையில் கல்.
30	உயிர்மெய் வருக்கம்	30 அறனை மறவேல்.
31	உயிர்மெய் வருக்கம்	31 அனந்தல் ஆடேல்.
32	ககர வருக்கம்	32 கடிவது மற.
33	ககர வருக்கம்	33 காப்பது விரதம்.
34	ககர வருக்கம்	34 கிழமைப்பட வாழ்.
35	ககர வருக்கம்	35 கீழ்மை அகற்று.
36	ககர வருக்கம்	36 குணமது கைவிடேல்.
37	ககர வருக்கம்	37 கூடிப் பிரியேல்.
38	ககர வருக்கம்	38 கெடுப்பது ஓழி
39	ககர வருக்கம்	39 கேள்வி முயல்.
40	ககர வருக்கம்	40 கைவினை கரவேல்.
41	ககர வருக்கம்	41 கொள்ளை விரும்பேல்.
42	ககர வருக்கம்	42 கோதாட்டு ஒழி.
43	ககர வருக்கம்	43 கௌவை அகற்று.
44	சகர வருக்கம்	44 சக்கர நெறி நில்.
45	சகர வருக்கம்	45 சான்றோர் இனத்து இரு.
46	சகர வருக்கம்	46 சித்திரம் பேசேல்.
47	சகர வருக்கம்	47 சீர்மை மறவேல்.
48	சகர வருக்கம்	48 சுளிக்கச் சொல்லேல்.
49	சகர வருக்கம்	49 சூது விரும்பேல்.
50	சகர வருக்கம்	50 செய்வன திருந்தச் செய்.
51	சகர வருக்கம்	51 சேரிடம் அறிந்து சேர்.
52	சகர வருக்கம்	52 சையெனத் திரியேல்.
53	சகர வருக்கம்	53 சொற் சோர்வு படேல்.
54	சகர வருக்கம்	54 சோம்பித் திரியேல்.
55	தகர வருக்கம்	55 தக்கோன் எனத் திரி.
56	தகர வருக்கம்	56 தானமது விரும்பு.
57	தகர வருக்கம்	57 திருமாலுக்கு அடிமை செய்.
58	தகர வருக்கம்	58 தீவினை அகற்று.
59	தகர வருக்கம்	59 துன்பத்திற்கு இடம் கொடேல்.
60	தகர வருக்கம்	60 தூக்கி வினை செய்.
61	தகர வருக்கம்	61 தெய்வம் இகழேல்.
62	தகர வருக்கம்	62 தேசத்தோடு ஒட்டி வாழ்.
63	தகர வருக்கம்	63 தையல் சொல் கேளேல்.
64	தகர வருக்கம்	64 தொன்மை மறவேல்.
65	தகர வருக்கம்	65 தோற்பன தொடரேல்.
66	நகர வருக்கம்	66 நன்மை கடைப்பிடி.
67	நகர வருக்கம்	67 நாடு ஒப்பன செய்.
68	நகர வருக்கம்	68 நிலையில் பிரியேல்.
69	நகர வருக்கம்	69 நீர் விளையாடேல்.
70	நகர வருக்கம்	70 நுண்மை நுகரேல்.
71	நகர வருக்கம்	71 நூல் பல கல்.
72	நகர வருக்கம்	72 நெற்பயிர் விளைவு செய்.
73	நகர வருக்கம்	73 நேர்பட ஒழுகு.
74	நகர வருக்கம்	74 நைவினை நணுகேல்.
75	நகர வருக்கம்	75 நொய்ய உரையேல்.
76	நகர வருக்கம்	76 நோய்க்கு இடம் கொடேல்.
77	பகர வருக்கம்	77 பழிப்பன பகரேல்.
78	பகர வருக்கம்	78 பாம்பொடு பழகேல்.
79	பகர வருக்கம்	79 பிழைபடச் சொல்லேல்.
80	பகர வருக்கம்	80 பீடு பெற நில்.
81	பகர வருக்கம்	81 புகழ்ந்தாரைப் போற்றி வாழ்.
82	பகர வருக்கம்	82 பூமி திருத்தி உண்.
83	பகர வருக்கம்	83 பெரியாரைத் துணைக் கொள்.
84	பகர வருக்கம்	84 பேதைமை அகற்று.
85	பகர வருக்கம்	85 பையலோடு இணங்கேல்.
86	பகர வருக்கம்	86 பொருள்தனைப் போற்றி வாழ்.
87	பகர வருக்கம்	87 போர்த் தொழில் புரியேல்.
88	மகர வருக்கம்	88 மனம் தடுமாறேல்.
89	மகர வருக்கம்	89 மாற்றானுக்கு இடம் கொடேல்.
90	மகர வருக்கம்	90 மிகைபடச் சொல்லேல்.
91	மகர வருக்கம்	91 மீதூண் விரும்பேல்.
92	மகர வருக்கம்	92 முனைமுகத்து நில்லேல்.
93	மகர வருக்கம்	93 மூர்க்கரோடு இணங்கேல்.
94	மகர வருக்கம்	94 மெல்லி நல்லாள் தோள்சேர்.
95	மகர வருக்கம்	95 மேன்மக்கள் சொல் கேள்.
96	மகர வருக்கம்	96 மைவிழியார் மனை அகல்.
97	மகர வருக்கம்	97 மொழிவது அற மொழி.
98	மகர வருக்கம்	98 மோகத்தை முனி.
99	வகர வருக்கம்	99 வல்லமை பேசேல்.
100	வகர வருக்கம்	100 வாது முற்கூறேல்.
101	வகர வருக்கம்	101 வித்தை விரும்பு.
102	வகர வருக்கம்	102 வீடு பெற நில்.
103	வகர வருக்கம்	103 உ(வு)த்தமனாய் இரு.
104	வகர வருக்கம்	104 ஊ(வூ)ருடன் கூடி வாழ்.
105	வகர வருக்கம்	105 வெட்டெனப் பேசேல்.
106	வகர வருக்கம்	106 வேண்டி வினை செயேல்.
107	வகர வருக்கம்	107 வைகறைத் துயில் எழு.
108	வகர வருக்கம்	108 ஒ(வொ)ன்னாரைத் தேறேல்.
109	வகர வருக்கம்	109 ஓ(வோ)ரம் சொல்லேல்.